Kombëtarja e Kosovës sot do të përballet me Izraelin, në një ndeshje me rrethana të pazakonta.
Ndeshje e cila është dashur të luhet muajin e kaluar e që u shty për shkak të gjendjes së sigurisë në Lindjen e Mesme, zhvillohet në një javë ku luhen edhe ndeshjet e ekipeve, shkruan lajmi.net.
Kjo ka quar deri te mungesa të rëndësishme në rosterin e “Dardanëve”.
Amir Rrahmani dhe Edon Zhegrova janë mungesat kryesore në listën e Primoz Glihas.
Masat e sigurisë rreth ndeshjes kanë bërë që të ndikojnë edhe te lojtarët.
Policia ka njoftuar për disa prej masave të sigurisë që do të ndërmerren në ditën e ndeshjeve, por edhe gjatë gjithë periudhës së qëndrimit të Përfaqësueses së Izraelit në Kosovë.
Gjendja e krijuar natyrisht se ka ndikuar edhe në Përfaqësuesen e Kosovës.
Këtë e kanë pranuar në konferencë për shtyp selektori Primozh Gliha dhe sulmuesi Vedat Muriqi, që do të jetë kapiten ndaj Izraelit në mungesë të Amir Rrahmanit.
Ndeshja e parë mes këtyre dy skuadrave përfundoi në një barazim 1:1, me Kosovën që ishte më e mirë në fushë.
Kur i kanë mbetur edhe tre ndeshje për të përfunduar këtë fushatë eliminatore, Kosova mban vendin e katërt me shtatë pikë dhe shanse minimale kualifikimi.
Izraeli është një pozitë më lartë me 11 pikë, por ka edhe një ndeshje më pakë të zhvilluar se Kosova. /Lajmi.net/