Legjenda e Manchester United, Wayne Rooney, ka folur për ecurinë që ish-skuadra e tij po kalon në Premier League, duke u shprehur se “Djajtë e Kuq” kanë nevojë për lojtarë të uritur.
Ndër të tjera, Rooney ka thënë se Manchester United duhet të largohet nga lojtarë yje si Cristiano Ronaldo dhe Paul Pogba.
Për golashënuesin më të mirë të të gjitha kohërave në Manchester, rikthimi i CR7 në “Old Trafford” nuk ishte ashtu siç u mendua.
“Ju më thoni ‘ai ka shënuar gola të rëndësishëm në Champions League. Ai padyshim që shënoi gola, shënoi hatt- trick kundër Tottenham. Gjithsesi, nëse shikohet kah e ardhmja e klubit, United duhet të kërkojë lojtarë të rinj të uritur që bëjnë më të mirën për ta ngritur Manchester Unitedin aty ku e ka vendin”, u shpreh fillimisht ai, shkruan lajmi.net.
Tutje vetereani anglez vazhdoi duke thënë se Ronaldo nuk mund të ofrojë mjaftueshëm për 90 minuta të ndeshjes, meqë, sipas tij, portugezi nuk është më i njëjti që ishte në të njëzetat e tij.
““[Ronaldo] sigurisht që nuk është lojtari që ishte kur ishte në të njëzetat, dhe kjo ndodh, ky është futbolli.
“Unë mendoj se ata kanë nevojë për më shumë lojtarë të uritur për suksese”, përfundoi ai.
