Vazhdojnë spekulimet lidhur me të ardhmen e Harry Kane.
Kane duket se nuk është më i lumtur në Tottenham dhe po kërkon largimin, transmeton lajmi.net.
Futbollisti duhej të kthehej sot nga pushimet e tij pas Kampionatit Evropian.
Por, sipas ‘Sky Sports’, sulmuesi nuk është paraqitur sot në stërvitjet e Tottenhamit, duke shtuar zërat për largimin e tij.
Anglezi është duke u lidhur me një kalim te Man City dhe tani ky veprim i tij e bënë edhe më të mundshëm transferimin e tij te ‘Citizens’.
Mbetet të shihet cila do të jetë e ardhmja e 28-vjeçarit.