Kancelari gjerman nën hetim, dyshohet se është përfshirë në një skandal 47 milionësh

German Chancellor Olaf Scholz speaks during the annual Munich Security Conference, in Munich, Germany February 19, 2022. REUTERS/Andreas Gebert

Kancelari i Gjermanisë Olaf Scholz, po hetohet nga autoritetet atje.

Kjo për shkak se po dyshohet se ai ishte i përfshirë në skandalin e njohur si “Cum-ex”, gjatë kohës sa Scholz ishte kryebashiak i Hamburg-ut.

Gjykata e Qarkut në Koln e ka lëshuar një urdhër për kontrollimin e e-maileve dhe dokumenteve që i përkasin atij.

Olaf Scholz, ishte kryebashkiak i Hamburgut deri në vitin 2018-të dhe e-mailet dhe dokumentet që do të kontrollohen datojnë nga 1 janari i vitit 2015-të.

Ai po dyshohet se ka mundësuar një favorizim të evazionit fiskal në vlerë prej 47 milionë eurove.

Subjekt i hetimit është edhe bashkëpartiaku i tij, deputeti i Partisë Socialdemokrate Johannes Kahrs, por edhe politikanë të tjerë.

Prokurorët që po përpiqen të zbardhin se si ka ndikuar klasa e atëhershme politike, në nëntor të 2016- tës, për të hequr dorë nga një kërkesë financiare tatimore me vlerë 47 milionë euro në dëm të bankës Warburg, shkruajnë mediat gjermane përcjell Klankosova.tv.

I kontaktuar nga mediat zëdhënësi i qeverisë gjermane ka deklaruar se nuk është në dijeni të urdhrit të gjykatës për të kontrolluar email-et e Scholz dhe ka shtuar se kancelari nuk ka asgjë për të fshehur.