Jurgen Klopp iu drejtua mediave nga “Stade de France” të premten në mbrëmje, një ditë para finales së madh të Ligës së Kampionëve, duke konfirmuar se skuadra e tij është e kompletuar.
Do të jetë një ndeshje e madhe dhje mesfusha e Liverpoolit duket e kompletuar pasi trajneri gjerman ka thënë se Thiago Alcantara dhe Fabinho janë gati për finale.
“Po, duket mirë të dy. Fabinho u stërvit plotësisht dhe normalisht dhe Thiago u stërvit që dje me skuadrën, do të stërvitet edhe sot”, deklaroi në start gjermani.
Klopp e pranoi se përballë kanë klubin me të trofeshëm në këtë garë dhe një trajner që e ka fituar tri herë Ligën e Kampionëve.
“Ne po përgatitemi për një lojë të vërtetë dhe një luftë të madhe kundër Real Madridit, klubi më i dekoruar në Ligën e Kampionëve dhe një trajner që mund të fitojë për herë të katërt”.
“Ne nuk mund ta marrim këtë përvojë brenda natës. Por, ne jemi gjithashtu me përvojë. Kjo është finalja jonë e tretë në pesë vjet. Kjo është e veçantë”, deklaroi Klopp.
E para nga këto tre finale në pesë vjet ishte gjithashtu kundër Real Madridit, në Kiev, ku Mohamed Salah u lëndua dhe tani kërko hakmarrje, ndërsa Klopp shtoi se nuk është i shqetësuar për këtë gjë.
“Askush nuk shqetësohet që Salah mendon shumë për vitin 2018. Ne të gjithë motivohemi nga gjëra të ndryshme. Kjo është mirë. Ne duam t’i rregullojmë gjërat. Por, kjo nuk është e vetmja gjë për të menduar”, nënvizoi Klopp.
Trajneri i Liverpoolit në fund foli për fushën në Stade de France, e cila është krejt e re, duke thënë se nuk është mirë dhe të njëjtë gjë do ta thonë edhe nga Real Madridi.
