Numri i lindjeve në Japoni pritet të bjerë me 5,9 % në krahasim me një vit më parë, duke shkuar në 864 000, një rënie kjo më e shpejtë nga sa e kishin parashikuar ekspertët, deklaroi sot një zëdhënës i qeverisë.
Në një raport të Ministrisë së Shëndetësisë, Punës dhe Mirëqenies u raportua se shifra e këtij viti ishte më pak se gjysma e 1 755 100 të porsalindurve në vitin 1977.
Në një raport të vitit 2018, Instituti Kombëtar i Studimit të Popullsisë dhe Sigurisë Shoqërore parashikonte që numri i lindjeve të binte në 921 000 në vitin 2019 dhe në 860 000 në 2023.
Kryeministri Shinzo Abe u zotua për zgjidhjen e krizës demografike, megjithatë, numri i lindjeve ka rënë me 16 % që nga viti 2012, kur Abe mori postin si kryeministër.
