Janë zbuluar mbi 30 e migrantë në Maqedoni

Policia njofton se mbi 30 emigrantë janë gjetur në një furgon dje në rrugën magjistrale në afërsi të fshatit Marvinci.

“Në koordinim me zyrtarët policorë të Qendrës rajonale për çështje kufitare dhe nga SP për mbikëqyrje kufitare Bogorodicë është vërejtur një automjet “Peugeut boxer”. Pas ndalesës së automjetit janë gjetur 32 emigrantë”,thuhet në njoftimin e policisë.

Për këtë rast është njoftuar Prokurori Publik, ndërsa pas zbardhjes së rastit kundër vozitësit do të ngritet parashtresë adekuate.