Ish-presidenti afgan pretendon se shpëtoi jetë pasi iku kur talibanët morën Kabulin

Ish-presidenti i Afganistanit, i cili u largua pasi talibanët pushtuan Kabulin, ka thënë se veprimet e tij shpëtuan jetë.

Ashraf Ghani tha se më shumë gjak do të ishte derdhur nëse ai do t’i rezistonte militantëve.

Afganistani po përballet me një krizë humanitare me organizatat bamirëse që paralajmërojnë se një milion fëmijë mund të vdesin nga uria këtë dimër.

Megjithatë, në një intervistë me ish-shefin e Forcave të Armatosura të Mbretërisë së Bashkuar në programin Today të Radio 4 dje, Ghani tha se ai kishte parandaluar shkatërrimin e Kabulit.

“Dy fraksione të talibanëve po mbylleshin nga dy drejtime”, tha ai.

“Mundësia e një konflikti mes tyre që do të shkatërronte qytetin dhe do të sillte kërdi për njerëzit ishte e madhe. Në mëngjesin e asaj dite [15 gusht], nuk e kisha menduar se do të largohesha. Këshilltarët e mi të sigurisë më thanë se do të vriteshin nëse qëndroja. Më dhanë dy minuta për të vendosur”.

Duke folur me gjeneralin Sir Nick Carter, Ghani, tani në Emiratet e Bashkuara Arabe, mohoi pretendimet se kishte vjedhur paratë publike përpara se të ikte, shkruan DailyMail, transmeton Klankosova.tv.