Interi është ende pa një portier dhe raportimet në Argjentinë sugjerojnë se ata kanë pyetur Aston Villan për fituesin e Kupës së Botës, Emiliano Martinez.
Nerazzurrët liruan Samir Handanovic në fund të kontratës së tij dhe shitën Andre Onanën te Manchester United, por nuk kanë ende asnjë zëvendësues pasi ata fillojnë turneun e tyre parasezonal në Japoni.
Negociatat vazhdojnë me Bayern Munich për zviceranin Yann Sommer, ndërsa Anatoliy Trubin i Shakhtar Donetsk është një tjetër objektiv.
Sipas TyC Sports, Interi i është afruar Aston Villas me një propozim prej 15 milionë eurosh për fituesin e Kupës së Botës, Martinez.
Oferta u refuzua, por ky mund të jetë vetëm fillimi i procesit të negociatave.
Interi ka një histori të gjatë lidhjesh me Argjentinën, duke përfshirë sulmuesin aktual Lautaro Martinez dhe nënpresidentin e tyre legjendar – Javier Zanetti.
Martinez mbush 31 vjeç në shtator dhe kaloi nga Arsenali te Aston Villa për 17.4 milionë euro në 2020. /Telegrafi/
