Sulmuesi i Interit, Lautaro Martinez ka pësuar një tendosje në muskulin e kofshës së majtë dhe thuhet se ai do të humbasë dy ndeshjet e ardhshme të Serie A kundër Lecce dhe Genoa, duke u rikthyer në aksion në vitin 2024.
Kapiteni i Nerazzurrëve ishte lënduar në humbjen 2-1 të Interit kundër Bolognës në Coppa Italia të mërkurën mbrëma.
Ai iu nënshtrua testeve mjekësore mëngjesin e sotëm (e premte) dhe Interi ka dhënë përditësimin për lëndimin e tij.
“Lautaro Martinez iu nënshtrua ekzaminimeve mjekësore këtë mëngjes në Istituto Clinico Humanitas në Rozzano”.
“Sulmuesi i Nerazzurrëve ka pësuar një tendosje në muskulin e kofshës së majtë. Gjendja e tij do të monitorohet në ditët në vijim”, thuhet në komunikatë.
Sipas Sky Sport Italia, Lautaro do të humbasë ndeshjet kundër Lecces dhe Genoas në Serie A, kështu që ai do të kthehet në aksion në janar të vitit 2024.
Golashënuesi aktual i Serie A ka shënuar 15 herë në 16 ndeshje të ligës deri më tani këtë sezon dhe është afër vazhdimit të kontratës me Nerazzurrët, duke u bërë fituesi më i lartë në Giuseppe Meazza.
Marrëveshja e tij aktuale me Nerazzurrët skadon në qershor 2026, por ai pritet të zgjasë qëndrimin e tij në klub edhe për dy sezone të tjera deri në qershor 2028.
