Manchester City u ndalua në një barazim pa gola në udhëtim te Crystal Palace teksa komplikoi kryesimin në Ligën Premier duke qenë se kundërshtari direkt Liverpool në rast të një triumfi në ndeshjen ndaj Arsenal do ta ngushtonte diferencën në vetëm një pikë.
Ndërkaq, pas barazimit foli trajneri Pep Guardiola i cili e vlerësoi në mënyrë pozitive paraqitjen e lojtarëve të tij ndërsa theksoi se fusha ndikoi në lojën e Citizens.
“Në luajtëm për të fituar lojën, krijuam më shumë raste dhe pësuam pak nga kundërshtari”, ka thënë fillimisht spanjolli.
“Këtë mund ta faktojnë më së miri statistikat të cilat janë aty dhe të gjithë i shohin, ishte e mrekullueshme mënyra si luajtëm në një fushë të vështirë, ku edhe bari nuk ishte perfekt dhe nuk ndihmoi në lojë”.
“Por, e rëndësishme për mua ishte fakti që në dominuam si kur kishim topin, ashtu edhe kur nuk e kishim atë. Zhvilluam një lojë shumë të mirë. Pse nuk zëvendësova asnjë? Djemtë po luanin mirë dhe nuk kishte arsye të lëvizja”, u shpreh më tej Guardiola.
Pas këtij barazimi, Manchester City ka katër pikë më shumë se Liverpooli, por Redsat kanë një ndeshje më pak të zhvilluar dhe e kanë mundësinë ta ngushtojnë diferencën.
