Grubi: Vizioni i Ali Ahmetit për barazi, po rrumbullakësohet

Talat Xhaferi për kryeministër të parë shqiptarë. Ky ishte propozimi i Ali Ahmetit që gjeti mbështetjen e të gjithë kryesisë qendrore të BDI-së në mbledhjen e sotme, në Reçicë të Vogël.
Pas këtij vendimi, i menjëhershëm ka qenë reagimi i zëvendëskryeministrit të parë, Artan Grubi.

Nëpërmes rrjetit social “Facebook”, Grubi ka thënë se vizioni i Ali Ahmetit për barazi në vend po rrumbullakësohet dhe nga kjo largpamësi përfiton shoqëria jonë
Shton se propozimi i kryetarit Ahmeti për Xhaferin u mbështet njëzëri nga kryesia.

“Propozimi i Kryetarit Ali Ahmeti që z. Talat Xhaferi të jetë kandidati jonë për Kryeministrin e parë shqiptar të Qeverisë së Republikës së Maqedonisë së veriut u mbështet njëzëri nga anëtarët e Kryesisë qëndrore të Bashkimit Demokratik për Integrim. Vizioni i Ali Ahmetit për barazi në vend po rrumbullakësohet dhe nga kjo largpamësi përfiton shoqëria jonë, vendi dhe të gjithë qytetarët”, ka shkruar Grubi.