Grabiti 40 mijë euro, momenti kur autori i maskuar kërcënon me armë punëtorët në Tiranë

Policia e shtetit ka publikuar momentin kur një person i maskuar grabiti nën kërcënimin e armës 40 mijë euro në pikën e këmbimit valutor në Tiranë.

Policia ka kërkuar nga qytetarët që të japin informacione në mënyrë që të kapin të dyshuarin.

“Në funksion të hetimeve për zbardhjen e ngjarjes së ndodhur mëngjesin e sotëm, ku një shtetas është futur në një pikë për transfere parash dhe këmbimi valutor në Unazë të Re, dhe nën kërcënimin e një arme zjarri ka marrë një shumë parash dhe është larguar me biçikletë, me qëllim identifikimin dhe kapjen e autorit të dyshuar, Drejtoria Vendore e Policisë Tiranë vë në dispozicion pamjet filmike të ngjarjes”, njofton Policia.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorit”, thuhet në njoftim.

Drejtoria Vendore e Policisë Tiranë vendos në dispozicion të qytetarëve, numrin e telefonit 0694110415, duke garantuar anonimatin e plotë të çdo telefonuesi.