Qeveria e Kosovës ditën e djeshme (e hënë) ka marrë vendim për masat e reja antiCOVID, në të cilat përfshihet ndalimi i një sërë aktiviteteve.
Me këto masa po ashtu ndalohet veprimtaria e qendrave të mbyllura tregtare, përveç shërbimeve esenciale në kuadër të tyre siç janë marketet ushqimore dhe farmacitë si dhe shërbimet e gastronomisë obligohen të pezullojnë aktivitetin e tyre nga data 7 deri më datë 18 prill.
Një reagim lidhur me këtë e ka bërë edhe artisti shqiptar Arian Agushi, i njohur për publikun si Gold AG
Meqë edhe pak ditë na ndajnë nga muaji i shenjtë i Ramazanit, reperi ironizon duke thënë se në këtë kohë ‘egërsohet’ edhe virusi.
“Si të vjen Ramazani virusi egërsohet interesant. Ose hapeni krejt ose mbyullne krejt se na keni lodhë”, ka deklaruar ai në një postim të ndarë në InstaStory.
Mes tjerash, u ndaluan edhe grumbullimet me rrezikshmëri të lartë të shpërndarjes së infeksionit me më shumë se 10 persona, (mbledhjet, seminaret, trajnimet, dasmat, ahengjet familjare).
