Sulmuesi duhet që të paguajë 3.3 mln Euro, gjykata braziliane e ndëshkoi për ndërtim pa leje
Një gjykatës brazilian e ka gjobitur yllin e futbollit Nejmar me 3,3 milionë Dollarë për ndërtimin e një liqeni artificial në rezidencën e tij në periferi të Rio de Zhaneiros pa marrë licencën e nevojshme mjedisore.
Sulmuesi i parisienëve ka 20 ditë kohë që ta apelojë gjobën raporton “Le Parisien”. Përveç liqenit, në pronën e Neymarit është në ndërtim e sipër edhe një plazh. Autoritetet urdhëruan ndërprerjen e të gjitha punimeve. Hetimi nisi pas ankesave të disa banorëve në rrjetet sociale.
Sipas mediave braziliane, Nejmar organizoi një festë dhe bashkë me të ftuarit u lanë në liqen. 31-vjeçari aktualisht po rikuperohet nga operacioni që e kishte në kaviljen e këmbës së djathtë. Ai nuk ka luajtur një ndeshje që nga muaji Shkurt. Neymar e bleu vilën që ka një sipërfaqe 10,000 metra katrorë për 28 mln Euro.