Gjashtë persona, përfshirë pesë fëmijë, kanë gjetur vdekjen dhe një grua u lëndua në një aksident automobilistik në Interstate 24 në Tennessee.
Sipas mediave të huaja, shërbimet mjekësore të urgjencës iu përgjigjën një përplasjeje të dy automjeteve, sipas një njoftimi për lajmet nga Shërbimet Mjekësore të Urgjencës.
“Gjithsej 4 ambulanca të Advanced Life Support iu përgjigjën kësaj skene dhe një helikopter/ambulancë ajrore”, thuhet në njoftim.
“Njësitë fillestare të mbërritjes punuan shpejt për të kërkuar, vlerësuar dhe klasifikuar gjithsej nëntë pacientë të përfshirë”.
Drejtuesi i njërës prej automjeteve të përfshira në aksident nuk ka pësuar lëndime, thuhet në njoftim.
Një femër e rritur “që besohet se ishte nxjerrë nga makina” u gjet në gjendje kritike, sipas njoftimit.
Gjashtë të tjerë, përfshirë pesë fëmijë, u shpallën të vdekur në vendngjarje. Të gjashtët, moshat e të cilëve variojnë nga 1 deri në 18 vjeç, besohet se janë nxjerrë nga automjeti.
Patrulla e autostradës së Tennessee ka thënë për CNN në një deklaratë se ata po hetojnë përplasjen dhe do të japin informacion shtesë kur të bëhet i disponueshëm.
