Gati pas një muaji u caktuan vazhdimet e katër seancave kuvendore

Në Kuvend gati pas një muaji sot duhet të mbahen vazhdimet e seancave të 21-të, 22-të, 25-të dhe 26-të. Caktimi i vazhdimit të seancave plenare vjen pas takimit të djeshëm koordinues të koordinatorëve të grupeve parlamentare dhe nënkryetarët e Kuvendit me kryetarin e Kuvendit Talat Xhaferi. Në takim ka marrë pjesë zëvendës koordinatori i BDI-së Arbër Ademi.

Koordinuesit e VMRO-DPMNE-së, Aleancës së Shqiptarëve dhe Alternativës, të cilët nuk shkojnë në këto takime tashmë një kohë të gjatë, nuk morën pjesë në mbledhje, por kanë komunikim joformal me Xhaferin për punën dhe aktivitetet e Kuvendit.