Tyson Fury do të përballet me Dillian Whyte këtë të diele, për të mbrojtur titullin e tij të kampionit në divizionin WBC.
Kampioni i peshave të rënda ka dhënë disa komente para këtij meçi, ku mes tjerash ka përmendur edhe rivalin e tij, Anthony Joshua.
Fury ka ftuar ish-kampionin e peshave të rënda, AJ, që të jetë në këndin e tij për këtë meç, duke thënë se ka edhe disa bileta në dispozicion.
“Ata janë të ftuar, mund të jenë të ftuarit e mi. Kam disa bileta këtu”, ka thënë Fury, transmeton lajmi.net.
“Do t’i jap një biletë Eddie-t, dhe dy bileta për AJ. Atij i duhen dy”, shtoi ‘Gypsy King’, duke aluduar në madhësinë e boksierit. “Do t’i jap bileta atij. Ai mund të më ndihmoj nëse dëshiron. E di se nuk i pëlqen Dillian Whyte, kështu që mundet nëse dëshiron”, shtoi mes tjerash Fury.
Fury dhe Whyte do të përballen më 23 prill, në ‘Wembley’, ku të gjitha biletat janë shitur.
