Ferran Torres ka komentuar vendimin e tij për të nënshkruar me Barcelonën.
Sulmuesi spanjoll ishte pjesë e skuadrës së Manchester City para se të kalonte te skuadra katalane.
Ai thotë se kishte mundësinë të qëndronte te ‘Citizens’ për të fituar trofe, por nënshkrimi me Barcën ishte nder për të.
“Unë mund të qëndroja te Man City, të fitoja tituj, por doja sfidë të re”, ka thënë Ferran, transmeton lajmi.net.
“Nënshkrimi me Barcelonën ishte nder në vete, por kur telefonoi Xavi, më pas nuk mendohet ajo punë”, shtoi tutje Torres.
Ferran Torres është lojtari kyç në projektin e Xavi Hernandez. Trajneri e sheh si të palëkundshëm në planet e tij.
