Një anije me detaje të “Pirates of The Caribbean” “lundroi” para gjykatës Fairfax në Virginia, ku po vazhdon gjyqi i Johnny Deep dhe Amber Heard.
Në anije shfaqej një flamur i “Pirates of the Caribbean” dhe një spirancë, e maskuar për t’u dukur si një anije pirate e mbuluar me imazhe, duke përfshirë fytyrën e personazhit të Depp, kapitenit Jack Sparrow.
Duket se fansat nuk heqin dorë nga mbështetja për piratin e preferuar (ndonëse Depp ka deklaruar se nuk do të luajë më kurrë në “Pirates of the Caribbean”).
Për gjashtë javët e fundit, gjyqi Depp-Heard është në qendër të vëmendjes.
Gjykata nuk ka arritur ende në një vendim.
Depp, ka paditur ish-bashkëshorten Amber Heard, 36, për 50 milionë dollarë, duke pretenduar se ai ishte shpifur nga një shkrim i Washington Post i vitit 2018, në të cilin Heard e përshkroi veten si një “figurë publike që përfaqëson abuzimin në familje”.
