Presidenti i Turqisë, Rexhep Erdogan, ka vizituar jugun e Turqisë, për ta parë nga afër situatën me zjarret. Agjencia shtetërore e lajmeve, Anadolu, tha se presidenti turk ka vizituar zonën e prekur nga zjarret në Antalia, më saktësisht distriktin Manavgat. Bashkë me të në helikopter ishte edhe ministri i Bujqësisë dhe Pylltarisë, Bekir Pakdemirli. Autoritetet turke kanë gjetur trupat e dy personave të tjerë gjatë operacioneve të shuarjes së zjarreve në provincën jugore Antalya, me çka numri i të vdekurve si pasojë e zjarreve pyjore është rritur në gjashtë.
Burimet lokale po ashtu njoftuan se dy persona të tjerë të plagosur nga flakët e furishme në rrethin Manavgat të Antyalya-s u evakuuan dhe u dërguan në një spital lokal. Nga zjarret në Manavgat që nga pasditja e djeshme janë prekur të paktën 275 persona.
