Pas arrestimit të 23-vjeçarit, Ministria e Punëve të Brendshme ka njoftuar edhe për dy arrestime të tjera në Gostivar.
“Më 27.07.2021 në ora 16.30 në Gostivar, policët e Stacionit palicor në Gostivar, në bazë të urdhrit gjyqësor, e kanë arrestuar O.A.(29) nga Gostivari për mbajtjen e dënimit me burg prej një viti e gjysmë për kryerjen e veprës penale në bazë të nenit 235 dhe 236 të Kodit Penal. Ai është dërguar në Burgun e Tetovës për mbajtjen e dënimit”, thanë nga MPB-ja, transmeton TV21.
Rasti i dytë është arrestim pas shpalljes së fletarrestit.
“Më 27.07.2021 në ora 16.30 në Gostivar, policët e Stacionit Policor në Gostivar, në bazë të urdhrit gjyqësor, e kanë arrestuar F.N(23) nga Gostivari për mbajtjen e dënimit me burg për kryerjen e veprës penale në bazë të nenit 236 dhe nenit 131 të Kodit Penal. Ai është dërguar në Burgun e Tetovës për mbajtjen e dënimit”, thuhet në njoftim.
Paraprakisht, MPB-ja njoftoi për arrestimin e një 23-vjeçari nga Gostivari pasi ishte kapur me drogë.
