Një 36-vjeçar nga Shkupi është arrestuar nga policia, pasi dyshohet se ka shantazhuar një grua 29-vjeçare, duke e kërcënuar me publikimin e fotografive të saj intime nëse nuk i plotësonte kërkesat për para dhe marrëdhënie seksuale.
Sipas Ministrisë së Punëve të Brendshme, e dëmtuara ka denoncuar se L.S. (36) e kishte kërcënuar se fotografitë me përmbajtje eksplicite do t’ua dërgonte familjarëve të saj, nëse ajo refuzonte kërkesat e tij.
I dyshuari është arrestuar më 5 nëntor, rreth orës 09:50, në Stacionin Policor të Kisella Vodës, pas denoncimit të gruas.
Nga MPB njoftojnë se, pas dokumentimit të plotë të rastit, ndaj të dyshuarit do të ndërmerren procedurat përkatëse ligjore.
