Nga SPB-Tetovë bëjnë të ditur se gjatë ditës së djeshme është arrestuar një 21-vjeçar pasi i njëjti është raportuar për dhunë fizike nga partnerja e tij 19 vjeçe.
“Zyrtarët e policisë të SPB-Tetovë, dje (18-prill) rreth orës 14:50, kanë privuar nga liria 21-vjeçarin L.S. nga një fshat i Tetovës, i cili njëzet minuta më parë ishte raportuar nga gruaja e tij e pamartuar 19-vjeçare se e kishte sulmuar fizikisht. Në sulmet, sipas raportit, L.S. ka përdorur edhe mjete metalike. Ai është ndaluar në Stacionin Policor të Tetovës dhe me parashtresë përkatëse dhe në koordinim me prokurorin publik, sot (19-prill) do të paraqitet para gjyqtarit në procedurë paraprake në Gjykatën Themelore të Tetovës”, thonë nga SPB-Tetovë.
