Në Journal Club në Uni Clinic for Plastic and Reconstructive surgery në Shkup një prezantim ka bë Dr. Muamet Memeti. Në fokus të fushatës së këtij viti janë rreziqet e përdorimit të mjeteve piroteknike gjatë festave të Vitit të Ri, transmeton portali Lideri.mk.
Në prezantimin e tij, Dr. Memeti tregoi rrugën nga ideja në hartimin dhe zbatimin e fushatës sonë sensibilizuese “Fishekzjarret prishin pushimet”. Ai ndau njohuri të rëndësishme të fituara nga përvojat e fushatës së vitit të kaluar, duke theksuar rezultatet e shkëlqyera, pra numri i lëndimeve nga mjete shpërthyese vitin e kaluar ishte zero.
Një nga pikat kyçe në prezantimin e Dr. Memetit ishte rëndësia e ndërveprimit të drejtpërdrejtë me studentët, transmeton Lideri.mk. Pjesëmarrja e mendjeve të reja në një fushatë të tillë mund të luajë një rol kyç në rritjen e ndërgjegjësimit dhe parandalimin e aksidenteve të shkaktuara nga përdorimi i fishekzjarreve.
“Ekipi ynë aktualisht po përgatit në mënyrë aktive fushatën e këtij viti, duke u mbështetur në suksesin e vitit të kaluar dhe duke synuar të parandalojë të gjitha dëmtimet e padëshiruara të shkaktuara nga fishekzjarrët gjatë festave të Vitit të Ri”, njoftuan nga Uni Clinic for Plastic and Reconstructive surgery në Shkup./Lideri
https://www.facebook.com/share/p/c8PhwLagofLhpNvv/?mibextid=I6gGtw
