Manchester United mund të bëjnë një goditje të mirë në merkaton e verës.
Përveç mbrojtjes, ‘Djajtë e Kuq’ po mendojnë edhe për përforcime në repartin ofensiv, dhe një nga emrat e lakuar është ai i Darwin Nunez.
Nunez ka shkëlqyer me paraqitjet e tij te Benfica në sezonin që kemi lënë pas.
Sipas raportimeve të ‘talkSPORT’, Nunez është i hapur për t’iu bashkuar skuadrës së Man United, përcjell lajmi.net.
Benfica i ka vendosur lojtarit një çmim prej 68 milionë funteve.
Sulmuesi ka shënuar 34 gola këtë sezon, duke shkëlqyer edhe në kompeticionin e Champions League.