Cuomo: Shteteve u duhet ndihmë federale për testime

NEW YORK, NY - MARCH 2: New York state Gov. Andrew Cuomo speaks during a news conference on the first confirmed case of COVID-19 in New York on March 2, 2020 in New York City. A female health worker in her 30s who had traveled in Iran contracted the virus and is now isolated at home with symptoms of COVID-19, but is not in serious condition. Cuomo said in a statement that the patient "has been in a controlled situation since arriving to New York." (Photo by David Dee Delgado/Getty Images)

Guvernatori i Nju Jorkut, Andrew Cuomo ka thënë se Qeveria amerikane në Uashington duhet të bëjë më shumë për t’iu ndihmuar shteteve që të rrisin kapacitetet për testim.

“Mos u kërkoni shteteve që të marrin masa, që nuk kanë marrë asnjëherë më parë ndërkohë që nuk ndani fonde”, ka thënë ai para mediave.

Ai e ka cilësuar sistemin aktual “kaotik” pasi shtetet nuk kanë mundësi për të siguruar pajisjet për teste, të cilat shiten nga kompanitë në Kinë.

“Rrjeti i furnizimeve përbën sfidë ndërkombëtare”, ka thënë ai, duke shtuar se mantelët, maskat, ventilatorët dhe shumë pajisje tjera prodhohen në Kinë.

Një ditë më parë, presidenti amerikan, Donald Trump ka thënë se guvernatorët shtetërorë kanë përgjegjësi për menaxhim të procesit të testimit, si dhe për të vlerësuar se kur do të rihapen qytetet.

Teksa Cuomo ka qenë në konferencë, Trump ka thënë përmes një postimi në rrjetin social: Guvernatori Cuomo duhet të kalojë më shumë kohë “duke bërë” dhe më pak duke “u ankuar”. Dilni jashtë dhe kryeni punën tuaj. Mos flisni!

Cuomo ka thënë se shkalla e vdekshmërisë është duke rënë në Nju Jork.

Megjithatë të enjten në këtë vend janë regjistruar 630 vdekje dhe 2,000 infektime të reja.