Ministria për Punë të Brendshme gjatë dy muajve të fundit, prill dhe maj ka regjistruar numër më të madh të denoncimeve për dhunë në familje, njoftoi ministri i brendshëm Naqe Çulev.
“Denoncimet për dhunë në familje për periudhën prill-maj është rritur për 46 për qind, për dallim nga viti i kaluar në periudhën e njëjtë”, tha Çulev sipas të cilit MPB-ja për një muaj ka ngritur 85 padi penale për vepra të ndërlidhura me dhunën familjare.