Ministri i Brendshëm Naqe Çulev do të kërkojë nga vëzhguesit ndërkombëtarë, që të përqendrohen në rajone ku ka pasur shumë parregullsi zgjedhore në të kaluarën. Aktualisht janë duke u mbledhur të dhënat dhe duke u bërë analiza për të parandaluar ryshfeti elektoral, shantazhi dhe manipulimi i votuesve.
Gjatë javës tjetër, ne do ta informojmë OSBE-në dhe ODIHR, misionin e monitorimit dhe misionet diplomatike dhe konsullore për të gjitha këto pika kritike, në mënyrë që të ketë më shumë vëzhgues në ato vendvotime me rrezik të lartë”-tha Naqe Çulev, ministër i Brendshëm.
Çulev gjithashtu pranoi se janë konstatuar agjitime nga nëpunës të policisë gjatë një fushatës për ndonjërën nga partitë.
Ne kemi informacione. Kishte një rast të tillë në Shkup dhe Kumanovë dhe po merren masa konkrete ndaj atyre policëve, përfshirë kolegun nga Kumanova. “Për shkak se është një shkelje më e rëndë, ka të ngjarë të pasojë, dënimi më i rëndë disiplinor, dhe ai është largimi nga puna”-pohoi Naqe Çulev, ministër i Brendshëm.
Çulev u bën thirrje të gjithë policëve të mos i nënshtrohen ndikimit të partive politike, të mbeten profesionistë dhe të mos kryejnë detyra partiake.
Sipas Çulevit, Ministria e Brendshme është e gatshme të marrë pjesë në këto zgjedhje pa ndërprerje, të sigurojë materialin zgjedhor, duke pasur parasysh që këto janë zgjedhje, të cilat do të zhvillohen në kohë pandemi, dhe votimi do të zgjasë tre ditë, dhe më 15 korrik vendvotimet, në vend që deri më ora 19:00, do të jenë të hapura deri në orën 21:00./Alsat
