Chelsea vendos rekord të ri në Ligën e Kampionëve

Chelsea, pasi arriti që të fitojë me rezultat të përgjithshëm 2-1 ndaj Portos, është kualifikuar në gjysëmfinale të Ligës së Kampionëve.

Kështu, Blutë e Londrës janë bërë klubi i parë në Angli që arrin në 8 gjysëmfinale të kësaj gare, më shumë se çdo klub tjetër anglez që prej vitit 1993.

Chelsea humbi 1-0 nga Porto në ndeshjen e dytë çerekfinale, por fitorja e tyre 2-0 në takimin e parë ishte e mjaftueshme për t’i parë ata të kualifikoheshin.

Blutë do të luajnë kundër Real Madrid më 27 ose 28 prill dhe më pas ndeshja e kthimit zhvillohet pas një jave.