Wesley Fofana është kryefjala e këtyre ditëve për Chelsean.
Mbrojtësi është kthyer në një obsesion për blutë nga Londra të cilët janë të vendosur që të nënshkruajnë me të.
Francezi pëlqehet shumë nga Thomas Tuchel i cili po bën presion te bordi që të punojë më shumë për të nënshkruar me të.
Sipas raportimeve të fundit, ish-kampionët anglezë janë të gatshëm të paguajnë hiç më pak se 83 milionë euro për 21-vjeçarin.
Lojtari luan në të dyja pozitat e qendrës së mbrojtjes, fakt ky që po e impresionon tej mase trajnerin Tuchel.
Mbrojtësi ka kontratë afatgjatë me Leicester Cityn, por kjo nuk po e pengon Chelsean që t’i shterrojë mundësitë e nënshkrimit me të.
