Chelsea ka pësuar humbje me rezultat 2-1 në udhëtim ndaj Wolves, në kuadër të javës së 18-të në elitën e futbollit francez.
Pjesa e parë ishte e qetë sa i përket rasteve për shënim, me të dy skuadrat që prisnin ndonjë gabim eventual të njëra-tjetrës.
Mysafirët patën një mundësi të artë shënimi përmes Raheem Sterling (31’) por ai u tregua i pasaktë përballë portierit Jose Sa.
Wolves kaloi në epërsi në minutën e 51-të kur Mario Lemina shënoi për 1-0 me kokë pas asistimit të Pablo Sarabias.
Chelsea shtoi intensitetin e lojës dhe Pochettino përmes zëvendësimeve u mundua që ta ndryshojë rrjedhën e lojës, por pa rezultat.
Wolves me gjeti rrjetën edhe njëherë tjetër kur Matt Doherty (92’) shënoi me lehtësi për rezultatin 2-0.
Christopher Nkunku (96′) shënoi për të ngushtuar epërsinë në 2-1 pas asistimit të Raheem Sterling.
Kjo ishte humbja e parë e Chelseat pas dy fitoreve që i arritën ndaj Sheffieldit në ligë dhe ndaj Newcastle në kupë.
“Blutë e Londrës” do të rikthehen në aksion në mesjavë, ku do të jenë nikoqir të Crystal Palace.
Chelsea tani renditet në pozitën e dhjetë me 22 pikë të grumbulluara, 12 pikë larg pozitës që të siguron kualifikimin në garat evropiane./Telegrafi/
