Mohamed Salah ka shprehur mendimin e tij se çfarë do të ndodhte nëse Lionel Messi do të luante në Ligën Premier.
Argjentinasi, i cili është duke luajtur në Major League Soccer (MLS), konsiderohet si lojtari më i mirë në këtë sport.
Egjiptiani e quajti Messin një talent hyjnor dhe përmendi se një ndryshim në ligë nuk do ta zvogëlonte ndikimin e ish-superyllit të Barcelonës.
Ai u pyet nga TNT Sports Argentina: “Çfarë do të ndodhte nëse Messi do të luante në Ligën Premier League?”.
“Ju po flisni për lojtarin më të mirë në botë, kudo që të shkojë do të luajë futboll dhe futbolli për Messin është një talent hyjnor”, deklaroi sulmuesi i Liverpoolit.
32-vjeçari lavdëroi më tej argjentinasin, duke thënë se ai është lojtari më i mirë në histori.
“Edhe shifrat e tij kundër ekipeve angleze janë shumë të mëdha, e konsideroj si më të mirën në histori. Kam pasur nderin ta takoj në ndeshje”, përfundoi egjiptiani.
