Dominic Calvert-Lewin pritet të largohet nga Evertoni në fund të këtij sezoni.
Skuadra nga Liverpuli ka pasur një sezon aspak të mirë, duke e rrezikuar edhe mbijetesën, andaj anglezi po mendon seriozisht të ndërrojë ambient.
Dy skuadrat e interesuara aktualisht për shërbimet e lojtarit janë Arsenali dhe Newcastle, me të parët më favoritë për të nënshkruar me 25-vjeçarin.
Kontrata e sulmuesit me “Toffies” skadon në vitin 2026, por kjo nuk po i pengon atij të negociojë me skuadrat e tjera.
Gjatë këtij sezoni, Lewin ka shënuar tri gola dhe një asistim në Premier League, në 13 ndeshje.
