Podgoricë, 4 tetor – Çmime më të ulëta për roaming ndërmjet Ballkanit Perëndimor dhe Bashkimit Evropian dhe internet me shtrirje të gjërë për 95 për qind të amvisërive deri në vitin 2024 janë qëllimet të cilat do të diskutohen gjatë samitit të katërt digjital të ekonomive të Ballkanit Perëndimor, theksoi sekretarja e përgjithshme e Këshillit për bashkëpunim rajonal, Majlinda Bregu, në transmetim të DSWB-së, që do të mbahet në Podgoricë nga data 11 deri më 13 tetor.
Ajo deklaroi se piramida tiranase, e ndërtuar si muzeu i Enver Hoxhës, diktatorit shqiptar, do të shndërrohet në qendrën më të madhe rajonale për transformim digjital të Ballkanit Perëndimor.
“Nuk ka simbol më të mirë nga biseda për të ardhme digjitale të Ballkanit Perëndimor, bërthamë e bashkëpunimit rajonal. Kjo është forcë lëvizëse e tregut të përbashkët rajonal dhe gjithashtu sikur edhe kjo piramidë, ndërtohet një treg për të gjitha gjashtë vendet. Kemi bazë. Ballkani Perëndimor pa roaming nga 1 korriku. Derisa udhëtojmë në BE nga Ballkani, paguajmë 43 herë më shumë për roaming se të tjerët”, theksoi Bregu.
Sipas saj, qëllimi përfundimtar është zvogëlimi gradual i çmimeve të roamingut ndërmjet Ballkanit Perëndimor dhe BE-së dhe afrimi drejt kompanive vendore në pesë vitet e ardhshme, duke cituar se tashmë punojnë në atë.
“Samiti i katërt digjital i Ballkanit Perëndimor do të mbahet në Podgoricë. Këshilli për bashkëpunim rajonal është krenar që është pjesë e këtij tregimi. Përveç që së shpejti do ta fillojmë procesin e zvogëlimit të shpenzimeve për roaming ndërmjet Ballkanit Perëndimor dhe BE-së, do të fokusohemi edhe në përmirësimin e infrastrukturës sonë digjitale”, potencoi Bregu.
Sipas saj, qëllimi më i rëndësishëm është të sigurojë internet me shtrirje të gjërë për 95 për qind të amvisërive deri në vitin 2024.
Samiti digjital i Ballkanit Perëndimor të vitit 2021 mbahet si pjesë e Procesit të Berlinit dhe si nismë e koordinuar nga Këshilli për bashkëpunim rajonal.
Nikoqir dhe organizator i edicionit të sivjetëm është Ministria e Administratës Publike për shoqëri digjitale dhe mediume në emër të Qeverisë së Malit të Zi, ndërsa sponzor i përgjithshëm është kompania M:TEL, lajmëroi RTCG.
