Një tjetër histori romantike ka ndodhur në shtëpinë e Big Brother VIP në mes të aktorit, Donald Veshja dhe Bora Zemani.
Ndonëse pa prezencën fizike të moderatores, Donaldi u kujdes që në natën e së premtes (5 nëntor) t’i bënte asaj një dhuratë për të shënuar tre vjetorin e lidhjes së tyre të dashurisë.
Donaldi mori një pako me ëmbëlsira brenda të cilës vendosi një qafore dhe e hodhi përtej mureve të shtëpisë së famshme, duke porositur që dhurata të binte në duart e Borës.
Foto: Bora Zemani/Instagram
Nuk ka vonuar shumë, dhe vet Bora ka sjell një imazh në Instagram duke pozuar bashkë me dhuratat e Doanldit.
Në veshje sportive me ngjyrë të zezë, qaforen në qafë dhe ëmbëlsirën në duar, Bora shihet e lumtur pas pranimit të dhuratës.
“Fundjavë të ëmbël”, ka shkruar Bora në mbishkrimin e fotos, ndërsa të shumta ishin edhe reagimet e fansave.
Kujtojmë që javë më parë Bora befasoi Donaldin duke hyrë në shtëpinë e Big Brother VIP, për të realizuar një takim romantik me të.
