Diplomati i lartë amerikan Antony Blinken u takua më herët me presidentin palestinez Mahmoud Abbas në Ramallah, një qytet në Bregun Perëndimor.
Gjatë takimit dypalësh, Blinken i konfirmoi Abbas se SHBA ishte e përkushtuar për të ndërmarrë “hapa të prekshëm për të avancuar” një shtet palestinez.
Blinken “dënoi dhunën ekstremiste kundër civilëve palestinezë në Bregun Perëndimor” dhe tha se do të vazhdojë të këmbëngulë që personat përgjegjës të marrin përsipër përgjegjësinë e plotë për rastin.
Vlen të theksohet se, ditën e djeshme dy djem palestinezë, tetë dhe 14 vjeç, u qëlluan dhe u vranë gjatë një inkursioni të ushtrisë izraelite në qytetin Jenin në Bregun Perëndimor të pushtuar palestinez.
OKB-ja thotë më shumë se 230 palestinezë janë vrarë në Bregun Perëndimor që nga 7 tetori – shumica nga forcat izraelite, por tetë nga kolonët izraelitë.
Top Channel
