Presidenti i Shteteve të Bashkuara të Amerikës, Joe Biden, do të udhëtojë në NATO javën e ardhshme për një samit të jashtëzakonshëm.
Shefi i NATO-s, Jens Stoltenberg ka thirrur një samit të jashtëzakonshëm për 24 mars në Bruksel, për luftën në Ukrainë.
Në Twitter, Stoltenberg tha se liderët “do të trajtojnë pushtimin e Ukrainës nga Rusia, mbështetjen tonë të fortë për Ukrainën dhe forcimin e mëtejshëm të parandalimit dhe mbrojtjes së NATO-s”.
Ai shtoi se në këtë kohë kritike, Amerika e Veriut dhe Evropa duhet të vazhdojnë të qëndrojnë së bashku.
Kujtojmë se luftimet në Ukrainë kanë hyrë në ditën e 20-të, teksa autoritetet ukrainase thonë se shumë civilë kanë mbetur të vrarë pas sulmeve ruse.
