Vendet perëndimore kanë mirëpritur lajmin, se Turqia ka hequr bllokadën për anëtarësimin e Finlandës dhe Suedisë në NATO.
Janë presidenti amerikan dhe kryeministri britanik që reaguan ndër të parët lidhur me këtë lajm, që e kanë quajtur fantastik.
Kryeministri britanik Boris Johnson, ka shkruar në Twitter se i jep mbështetje të fuqishme marrëveshjes së arritur mes Turqisë dhe dy vendeve nordike.
“Lajm fantastik në Samitin e NATO-s. Anëtarësimi i Finlandës dhe Suedisë do ta bëjnë aleancën më të fortë dhe të sigurtë”, tha Johnson.
Siç raporton Reuters, presidenti amerikan Joe Biden gjithashtu ka mbështetur marrëveshjen – duke thënë se është një ndryshim i madh në pasqyrën e sigurisë globale.
“Është një ndryshim i madh në siguri në nivelin global”, tha presidenti amerikan.