Kafenetë dhe restorantet do të mbyllen sot në Belgjikë, një masë kufizuese që fillimisht do të vlejë një muaj. Qeveria masën e ka justifikuar me rritjen e rasteve me COVID-19.
– Advertisment –
“Ne nuk ndihemi të konsideruar dhe më dhemb zemra (…) Unë nuk mundem më”, theksoi me zë të thyer nga emocionet, Angelo Bussi, një pronar restoranti nga Brukseli kur ai po i mirëpriste klientët e tij të fundit.
“Zyrtarët, kuzhinierët, zhytësit, të gjithë po vuajnë,” shtoi ai, ndërsa sektorit tashmë i është dashur t’i nënshtrohet për afro tre muaj izolimit midis mesit të marsit dhe fillimit të qershorit.
Kryeministri belg, Alexander De Croo njoftoi të premten mbylljen e kafenevedhe restoranteve për një muaj si pasojë e rritjes së konsiderueshme të pandemisë në këtë vend me 11,5 milionë banorë.
Një vlerësim i masës do të bëhet brenda dy javëve.
“Situata është e rëndë dhe më e keqe se 18 marsi kur u vendos një kufizim i plotë”, konfirmoi De Croo duke iu referuar numrit të të sëmurëve të shtruar spital, në kujdes intensiv.
