Barcelona janë duke monitoruar situatën e lojtarit brazilian të Leeds United, Raphinha.
Lojtari i Leeds ka pasur paraqitje të shkëlqyera me klubin anglez dhe ka fituar kësisoj vëmendje të madhe nga klubet e mëdha.
Sipas të përditshmes spanjolle ‘Sport’, Barcelona kanë bërë një lëvizje drejt Raphinha, transmeton lajmi.net.
Trajneri i Barcelonës, Xavi Hernandez i ka dhënë dritën jeshile skuadrës për të nisur tentimet për nënshkrimin me braziliani.
Raphinha shihet si një zëvendësues për Ousmane Dembele, i cili ka gjasa të largohet gjatë verës.
Kontrata e francezit skadon në fund të këtij sezoni dhe akoma nuk ka marrëveshje për rinovimin e kontratës me të.
