Shkruan: Arbêr Zaimi
Është gjë e mirë që Edi Rama si km i Shqipërisë hoqi dorë nga ky proces që ishte themeluar për:
1. Të favorizuar Serbinë
2. Të izoluar Kosovën
3. Të shantazhuar BE-në e sidomos Gjermaninë.
Ky projekt vdiq pa ia arritur tre qëllimeve të veta, fatmirësisht.
Mirë që Edi Rama, si km i Shqipërisë vendosi t’i përkushtohet procesit të Berlinit, ku Kosova ka qenë e përkushtuar qysh prej fillimit. Ai proces është i mirë sepse synim dhe prijës ka BE-në, dhe sepse Kosova në të është palë e barabartë. Procesi i Berlinit ka garanci dhe financa të pastra, Ballkani i Hapur ka qenë thjesht vektor për kamiona të dyshimtë e shpëlarje parash.
Mirë që km Edi Rama ka vendosur të takohet me km Albin Kurti. Do ishte më mirë nëse Rama do ta takonte Kurtin jo në kuadër të “turit ballkanik”, por në kuadër të një vizite vëllazërore dhe një mbledhjeje mes dy qeverive.
Unë kam besim se km Kurti nuk mban inate e mëri, dhe do ta mikpriste sërish në Gjakovë secilin km të Shqipërisë, përfshi edhe Ramën.
* Shkrimi është marrë nga profili i facebook i z.Arbër Zaimi
