Aurela Hoxha ka nisur të jetojë prej shumë kohësh në Barcelonë.
Përkundër karrierës së saj prej modeleje, ka bërë të jetë e pranishme në shumë vende të botës.
Së fundi modelja, është bërë edhe me markë personale.
Hoxha bëri debutimin me brendin e saj të të brendshmeve në Javën e Modës në Paris, ndërsa ka publikuar edhe disa fotografi e video.
“Më 7 mars ishte debutimi im i parë me Aurela Hoxha Brand në Javën e Modës në Paris. Shumë e lumtur dhe mirënjohëse për të gjithë ata që bënë kaq shumë punë dhe përpjekje për të realizuar këtë magji”, shkroi modelja shqiptare.
Java e modës në Paris ka filluar më 28 shkurt dhe mbaroi me 8 mars.
Ngjarja ishte e mbushur me momente prekëse, që nga sfilata e Louis Vuitton me dizajnet e të ndjerit Virgil Abloh deri te dalja e parë ndërkombëtare e Julia Fox dhe Kanye West si çift.