Asnjëherë më parë buka në BE nuk ka qenë më shtrenjtë, thonë nga Eurostat

Enti evropian për statistika (Eurostat) njoftoi sot se buka në të gjithë Bashkimin Evropian (BE) kurrë nuk ka qenë më shtrenjtë se tani.

Eurostat tha se çmimet e ushqimeve janë rritur ndjeshëm në të gjithë BE-në, për shkak të, siç theksojnë, pushtimit rus të Ukrainës, i cili ka çrregulluar ndjeshëm tregjet globale.

Në njoftimin për media thuhet se Rusia dhe Ukraina janë eksportuesit kryesorë të drithërave me fara vajore dhe plehrave.

Muajin e kaluar, shkalla vjetore e inflacionit në Eurozonë ishte 9.1 për qind, që është maksimum historik, ndërsa çmimi i bukës në BE u rrit me 18 për qind krahasuar me gushtin e vitit 2021.

Rritja më e lartë e çmimeve u regjistrua në Hungari (66 për qind), e ndjekur nga Lituania (33 për qind) dhe Estonia dhe Sllovakia (32 për qind).