Komiteti i organizimit të Lojrave Olimpike 2020 i Tokios siguroi sot se përhapja e koronavirusit në Japoni dhe më përgjithësisht në botë nuk ka qenë kurrë shkak për anulimin e dy javëve olimpike të planifikuara më 24 korrik – 9 gusht.
“Nuk është diskutuar kurrë anulimi i Lojrave. Përgatitja për Lojrat vazhdon sipas parashikimit”, deklaroi Komiteti i Lojrave.
Në gadishullin japonez janë raportuar 156 raste infektimi me koronavirus, ndër të cilët një i vdekur.
Në këtë kontekst, federata japoneze e futbollit, J-League, njoftoi sot vendimin e saj për të shtyrë të gjitha ndeshjet e ligës të planifikuara në vend, të paktën deri më 15 mars, për shkak të frikës nga përhapja e koronavirusit.
Por ministri i Shëndetësisë hodhi poshtë shqetësimet në lidhje me L0-2020.
“Ato do të zhvillohen në korrik, ndaj nuk po diskutojmë më për këtë situatë, ne tani po diskutojmë për qëndrimin e qeverisë”, u tha ai gazetarëve.
