Lindsay Lohan është e martuar.
Aktorja e njohur është martuar me të fejuarin e saj Bader Shammas në një ceremoni private – vetëm disa orë para festimit të ditëlindjes së saj të 36-të.
“Mund të konfirmoj se Lindsay Lohan është e martuar”, ka thënë një burim për PageSix.
Foto: Lindsay Lohan/Instagram
Lohan ndezi thashethemet se ajo ishte martuar të premten mbrëma (1 korrik) pasi postoi në Instagram një foto të saj dhe Shammas, 35 vjeç.
“Unë jam gruaja më me fat në botë. Ai më gjeti dhe e dinte se doja të gjeja lumturinë dhe mirësinë, të gjitha në të njëjtën kohë. Jam e habitur që ky është burri im. Jeta ime dhe gjithçka imja. Çdo grua duhet të ndihet kështu çdo ditë”, ka shkruar Lohan sipër imazhit.
Miqtë nxituan për të uruar yllin, e cila festoi ditëlindjen të shtunën (2 korrik), duke përfshirë Paris Hilton dhe Melissa Gorga.
Lohan u takua me financierin e lindur në Kuvajt ndërsa jetonte në Dubai.
Ai i propozoi në nëntor – duke i propozuar me një unazë masive Harry Winston.
Foto: Lindsay Lohan/Instagram
Ylli i “Parent Trap” ndau lajmin me 9.7 milionë ndjekësit e saj dhe postoi një treshe fotosh të dashura.
“Ai nuk është një tip hollywoodian, ju nuk shihni asnjë foto të tyre në shtyp. Ky ishte një nga problemet e Lindsayt, mediat e kishin shkelur atë dhe vinin me histori për të. Ishte e vështirë. Por ajo është me një djalë që nuk i pëlqen qendra e vëmendjes. Ajo po rifillon karrierën e saj dhe ju dëshironi një person të mirë në jetën tuaj kur të shtypni butonin e rifillimit”, tha babai i saj, Michael Lohan për Shammas.
Lohan së fundmi ka filmuar një film pushimesh për Netflix dhe është gati të prezantojë më shumë projekte të reja aktrimi.
