I armatosuri 18-vjeçar që qëlloi dhe vrau tre persona dhe plagosi gjashtë të tjerë, duke përfshirë dy oficerë të zbatimit të ligjit, në Farmington, New Mexico, përdori tri armë, ka thënë të hënën shefi i policisë së qytetit në një deklaratë.
Sipas mediave të huaja, shefi i policisë Steve Hebbe tha se sulmuesi, i cili u vra nga oficerët, përdori një pushkë të stilit AR-15 dhe dy armë të tjera teksa bredhte një zonë çerek milje nëpër një lagje të hënën në mëngjes.
Sulmuesi vrau tre persona, plagosi dy oficerë të zbatimit të ligjit dhe katër civilë.
Ai qëlloi të paktën në gjashtë shtëpi dhe tre automjete përpara se të takonte oficerët e policisë së Farmingtonit pak pas orës 11 të mëngjesit.
Dhe një incident i tillë duket se është i rastësishëm, tha shefi.
“Nuk kishte shkolla, kisha, ose ndonjë individ të shënjestruar”, citohet të ketë thënë ai, duke shtuar se sulmuesi dukej se kishte qëlluar në atë që “i dilte përpara”.
