Mes angazhimve profesionale dhe aludimeve për jetën personale, teksa prej kohësh tashmë përflitet në mediat rozë për lidhjen e mundshme me Capital T, Adrola Dushi padyshim është një prej personazheve që qëndron gjithnjë në qendër të vëmendjes në vendin tonë, por edhe pse ky është fakt, intervistat e saj janë mjaft të rralla.
Megjithatë, pasditen e sotme ajo ishte e fftuar në “Pardon My French”, në Top Albania Radio, në puntatën hapëse të sezonit të ri me Jonida Alickollin dhe Eno Popin, ndërsa modelja e njohur ka folur në lidhje me gjithcka që po ndodh me jetën e saj.
“Falë Zotit, mirë(shkojnë gjërat). Mirë po shkojnë, gjërat kanë marrë rrjedhën e duhur në jetë time, jam shumë e lumtur dhe shumë e qetë. Faleminderit nga Zoti.”- thotë Adrola, teksa shfaqet mjaft e qetë, ndërsa në lidhje me karrierën e saj në modeling, që tashmë është e ndarë mes dy shteteve, por së fundmi kryesisht e përqëndruar në Shqipëri, u shpreh:
“Momentalisht jam në një luftë të madhe me menaxherin tim në Amerikë, mesazhet e të cilit janë ‘ahh moj Adrola pse nuk erdhe’. Jam mirë me karrierën, por gjëja që them që jam mirë është fakti që kam mësuar t’i ndaj gjërat dhe punët dhe të di cilat punë vlejnë për mua dhe cilat nuk vlejnë për mua, cilët njerëz vlejnë afër meje dhe cilët nuk vlejnë afër meje dhe kjo është arsyeja se pse jam shumë mirë sepse kam mësuar shumë që ta dua veten. Jo që të lyhem bukur dhe të vesh këpucë të bukura por të dua qënien time.”
Megjithatë, modelja duhet të ketë një arsye të fortë që ka zgjedhur Shqipërinë para SHBA-së, të paktën momentalisht dhe sipas Adrolës është:
“Kur ika nga Shqipëria para disa vitesh ika me idenë që nuk do të kthehesha më. Do të kthehesha patjetër, por jo për punë apo ku di unë që të isha shumicën e kohës këtej. Unë nuk u ndava kurrë nga Shqipëria të them të drejtën. Duhet një shkëputje herë pas here, por që unë nuk jam shkëputur kurrë nga Shqipëria, kam shumë njerëz që dua këtu, kam shumë njerëz që nuk rri dot larg, kam edhe shumë punë realisht që më duan patjetër këtu për shkak të kontratave 1 apo 2-vjeçare. Shkoj edhe në Amerikë, por tani është koha më pikante në Nju Jork të them të drejtën, është Fashion Week dhe të gjitha me radhë dhe unë thjesht po mungoj. Për momentin janë Fashion Week për veshjet e ditës dhe Fashion Week që bëhet në tetor për fustanet e nusërisë. Këto janë dy gjëra që janë momentalisht dhe që bëhet nami në Nju Jork. Më pas janë edhe kompanitë e tjera që unë kam punuar prej vitesh me ta. Photoshooting, video, flokët, make-up.”
