Komuna e Sarajit ka shtrenjtuar për 50% tatimin në pronë, ndërsa për këtë tenton t’ia hedh fajin Qytetit të Shkupit.
Këtë e ka denoncuar nënkryetarja e Qytetit të Shkupit, Bujare Abazi, e cila përmes një postimi në Facebook fajëson autoritetet lokale në Saraj për vendimin që rëndon edhe më shumë qytetarët.
Ja sqarimi i plotë i Bujare Abazit:
Të nderuar qytetarë të Sarajit,
Për shkak të paqartësisë në pagesat për tatimin në pronë për qytetarët e komunës së Sarajit, ju informoj si vijon:
Me vendim të Këshillit të Komunës së Sarajit është sjellur vendim që Komuna të merr 50% më shumë për tatimin në pronë për shtëpi dhe objekte afariste për qytetarët e Sarajit.
Domethënë, shtrenjtimi shtesë vjen si vendim nga Komuna e Sarajit dhe jo nga Qyteti i Shkupit. Ju tani do t’i paguani tatim të shtuar Sarajit me një tarifë shtesë proporcionale.
Përndryshe, Qyteti i Shkupit merr tatim të rregullt vjetor në pronë në të cilin poashtu 50% nga shuma e përgjithshme shkon për Komunën e Sarajit.
Nga kjo rrjedh se qytetarët e Sarajit më shumë se dyfish paguajnë për tatimin.
Turp!
