Alexis Sanchez ka bërë të ditur se dëshironte të largohej nga Manchester United dhe të kthehet në Arsenal menjëherë pas stërvitjes së parë me “Djajtë e Kuq”.
Ish sulmuesi i Barcelonës la Emirates për Old Trafford në janar të vitit 2018 dhe dështoi të bëjë diçka për dy sezone për t’u transferuar fillimisht në formë huazimi te Interi vitin e kaluar.
Sanchez nuk luajti shumë as te Interi në sezonin e parë, por ai ndihej mirë me trajnerin, Antonio Conte dhe klubi vendosi që ta mbajë në skuadër, duke e transferuar me parametra zero.
“Pas stërvitjes së parë kuptova shumë gjëra. Erdha në shtëpi dhe i thash familjes sime dhe menaxherit nëse mund ta shkëpusë kontratën dhe të kthehem në Arsenal, diçka nuk më përshtatej, por tashmë kisha nënshkruar”, tha Sanchez.
“Muaj kaluan dhe ndjenja ishte e njëjtë. Nuk ishim të bashkuar si ekip atëherë”.
“Gazetarët gjithashtu flisnin pa ditur gjë dhe kjo më lëndonte. Ish lojtar gjithashtu flisnin dhe nuk e kishin idenë se çfarë po ndodh në klub. Ata më lëndonin”.
